LifeSeeker pode revolucionar as operacións de rescate na neve.
LifeSeeker pode revolucionar as operacións de rescate na neve.

Revolución galega para as operacións de rescate

O director da Gain, Manuel Varela; o director de Gradiant, Vázquez Cortizo; e o CEO de Centum, Héctor Estévez.
O director da Gain, Manuel Varela; o director de Gradiant, Vázquez Cortizo; e o CEO de Centum, Héctor Estévez.

Pode revolucionar o futuro das operacións de rescate. Porque LifeSeeker é un sistema electrónico que converte os teléfonos baixo a súa área de actuación en radiobalizas, permitindo así detectalos, identificalos, localizalos e mesmo se comunicar con eles. O sistema LifeSeeker é o resultado dunha estreita colaboración entre Gradiant, Centro Tecnolóxico de Telecomunicacións de Galicia, e a empresa Centum R&T. Un caso de éxito de sinerxías entre un Centro Tecnolóxico e unha empresa innovadora, que culminou co lanzamento ao mercado dun produto pioneiro no mundo.
Segundo afirma Gradiant, “LifeSeeker vai revolucionar os servizos de emerxencias, ao permitir a localización de persoas través do seu teléfono móbil mesmo en zonas onde non exista cobertura, como por exemplo unha persoa perdida nunha montaña”. LifeSeeker está deseñado para ser utilizado a bordo de calquera tipo de aeronave, tanto helicópteros, coma drons ou avións.
O radio de acción do sistema supera os seis quilómetros. Ao operar de xeito independente das redes de telecomunicacións, ademais de localizar o terminal da persoa perdida, LifeSeeker permite comunicarse coa persoa perdida, anticipando así o seu estado para poder preparar o rescate.
O sistema permite localizar un teléfono móbil a 6 quilómetros sen cobertura

David Vázquez Cortizo, director xeral de Gradiant, destacou onte na presentación do equipo  que “LifeSeeker é un caso de éxito de manual en canto á colaboración entre un Centro Tecnolóxico como Gradiant e a industria de Galicia, en concreto cunha empresa galega innovadora como Centum R&T. Gradiant apostou polo éxito de LifeSeeker e Centum R&T soubo ver o potencial da colaboración connosco para conseguir chegar ao mercado cun produto innovador”.
Pola súa banda, Héctor Estévez, CEO de Centum R&T, afirmou que “LifeSeeker naceu para cambiar o paradigma das operacións de busca e rescate, xa que permite pasar dunha busca visual a localización das persoas a través do seu teléfono móbil, aumentando considerablemente o radio de acción. Esta nova forma de operar reduce significativamente o tempo necesario para a localización da persoa desaparecida e, en consecuencia, maximiza a probabilidade de éxito da operación de rescate”.
Manuel Varela, director da Axencia Galega de Innovación, quixo destacar o “apoio da Xunta ao traballo conxunto entre Centros Tecnolóxicos e Industria”. Ademais, anunciou a recente aprobación por parte de Xesgalicia (a Sociedade Xestora de Entidades de Capital Risco, dependente da Xunta de Galicia), do investimento a través do fondo I2C de 250.000 € en Centum R&T a través dun préstamo participativo convertible.

DEIXAR UNHA RESPOSTA

Please enter your comment!
POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.

Please enter your name here

Este sitio emprega Akismet para reducir o spam. Aprende como se procesan os datos dos teus comentarios.