Venres 29 Marzo 2024

Presentan na Coruña unha cadeira de rodas guiada por ondas cerebrais

A startup galega Handytronic, que forma parte do grupo Telecon Galicia, desenvolveu unha cadeira de rodas guiada por ondas cerebrais. O proxecto quere ofrecer unha solución comercial para os potenciais usuarios cun proxecto baseado na Neurociencia e a Intelixencia Artificial. Esta tecnoloxía permitirá tamén acometer proxectos para a detección temperá de enfermidades cognitivas.

O proxecto conta coa colaboración da Universidade da Coruña a través da Facultade de Ciencias da Saúde. A empresa desenvolveu unha plataforma de encefalografía que é capaz de captar os impulsos eléctricos do cerebro de cada usuario e transformalos en ordes para unha cadeira de rodas motorizada.

Publicidade

O prototipo co que actualmente traballa Handytronic está formado por unha cadeira de rodas motorizada, un casco con 14 eléctrodos, unha tablet. A conexión entre o casco e o computador é inalámbrica, a través de Bluetooth. A medio prazo está prevista a substitución do casco por unha diadema ou parche, que resultará máis cómodo para o usuario.

O emprego de Intelixencia Artificial no interface cerebro-computador permite que o software aprenda das rutinas mentais do usuario, adaptándose a el e reducindo así o tempo de adestramento necesario para o manexo da cadeira.

Ao mesmo tempo, permite que o sistema recoñeza diferentes usuarios, adaptándose a cada un deles. EO proxecto conta coa colaboración da Universidade da Coruña (UDC), a través do Máster de Informática Biomédica. A recente posta en marcha da Cátedra Handytronic sobre Bioinformática para Ciencias da Saúde permitirá completar o proxecto de I+D nas súas próximas fases. Está previsto realizar unha proba piloto con participación de usuarios con diversidade funcional.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

A toxoplasmose é un factor de risco para o envellecemento inflamatorio nos maiores

Un estudo da UDC demostra que as persoas cunha resposta de anticorpos máis forte á infección tiñan máis probabilidades de ser fráxiles

A UDC coordina o primeiro sensor automático en detectar zoonoses a escala mundial

O proxecto está liderado polo grupo do investigador Alejandro Criado. Chámase FLUFET e identifica un amplo espectro de obxectivos virais

Os investigadores galegos da trama saudita cobraron da empresa do intermediario dos árabes

Os dous empregados do Centro da Carne, cunha desenfreada produción científica, inscribíronse na universidade Rei Abdulaziz pese a desenvolver a súa carreira en Galicia

A Academia de Ciencias premia un estudo galego que foi portada da prestixiosa revista ‘Science’

O outro proxecto galardoado, tamén da USC, é un sistema de recuperación de información capaz de proporcionar resultados correctos e cribles