Cales son as cinco paisaxes “identitarias” de Galicia? Segundo o Instituto de Patrimonio Cultural de España (IPCE), son as seguintes: o cabo Fisterra, as serras do Suído e do Faro de Avión, o Monte de Santa Trega, a Ribeira Sacra e os Ancares. Cinco exemplos, segundo o IPCE, dos “procesos de interacción máis extraordinarios entre o home e o medio ambiente”.
Estes cinco lugares aparecen mencionados no proxecto “Narrando paisaxes”, unha web cun mapa interactivo no que se amosan 100 enclaves de todo o territorio español que destacan pola súa importancia no desenvolvemento cultural. A iniciativa forma parte do Plan Nacional de Paisaje Cultural, e está impulsada polo Grupo de Investigación de Paisaje Cultural da Universidad Politécnica de Madrid, co apoio da Fundación Española para la Ciencia y la Tecnología (Fecyt).
Para cada unha das paisaxes, o proxecto destaca unha serie de valores asociados (acontecementos sociais e históricos, grandes infraestruturas, actividades comerciais, agrícolas, gandeiras, industriais ou defensivas/ofensivas).
Podes consultar o proxecto completo neste enlace.
Unha das pisaxes mais identitarias de Galicia é a deixada pola explotación das louseiras en Barco de Valdeorras, Courel e Rande (Ortigueira). Se pode ver desde os satélites e marcan a zona da Terra onde mais se permite criando paisaxes interactuados coa actividade de algúns homes. Esqueceuselle ao Ministerio de Cultura engadila
As Fragas do Eume, bosque Atlántico, penso que deberan ser tidas en conta.