Aos 25 meses, os bebés xa controlan as tablets e smartphones.
Aos 25 meses, os bebés xa controlan as tablets e smartphones.

Demostran as habilidades dos nenos de 2 anos para manexar tablets

Aos dous anos, un neno xa é capaz de deslizar, bloquear e buscar activamente en dispositivos como teléfonos intelixentes ou tabletas. Un estudo liderado por la Universidade de Cork (Irlanda) certifica algo que moitos pais xa sabían: que os nenos pequenos manéxanse ben cos smartphones para buscar os seus xogos favoritos.

O traballo, publicado en Arquives of Disease in Childhood, pertencente ao grupo British Medical Journal, indica que este nivel de interactividade se asocia coa capacidade de xogo dos cativos e amosa como a tecnoloxía podería ter un papel potencial na avaliación do desenvolvemento dos pequenos”, sinala Caroline Ahearne, investigadora do departamento de Pediatría da Universidade de Cork e autora principal do estudo.

A investigación basea as súas conclusións en 82 cuestionarios sobre acceso a pantallas táctiles e o seu uso, completado por pais de nenos de entre doce meses e tres anos. Aos proxenitores preguntóuselles sobre o tempo que os seus fillos utilizaban a pantalla cada día e se eran capaces de desbloqueala, deslizar o dedo a través de páxinas ou imaxes e de recoñecer e interactuar con características específicas, como iconas de aplicacións para xogos.

Algúns problemas ocasionados pola observación pasiva da televisión poderían aparecer tamén polo uso de pantallas táctiles

Tamén se lles preguntou aos pais se descargaran xogos ou aplicacións para o uso dos seus fillos. A idade dos nenos variaba de 20 a 30 meses e pouco máis da metade (57%) eran homes.

A maioría dos pais enquisados, un 82%, posúen un dispositivo de pantalla táctil como un teléfono intelixente ou unha tableta. A maior parte deixaba o seu dispositivo ao seu fillo para xogar durante unha media de 15 minutos ao día, e case dous terzos, un 62%, descargaran aplicacións para nenos. Nove de cada dez pais indicaron que os seus fillos eran capaces de deslizar o dedo pola pantalla, a metade sabían desbloqueala e case dous terzos buscaban activamente aplicacións tocando a pantalla.

A idade media dos nenos con estas tres habilidades foi de 24 meses, mentres que a media de idade para identificar e utilizar as funcións de pantalla táctil específica foi de 25 meses. En xeral, un de cada tres dos nenos de 29 meses realizou as catro tarefas. Ademais, o cuestionario indica que nenos de só un ano xa utilizan regularmente as pantallas táctiles.

En 1999 a Academia Estadounidense de Pediatría recomendaba que os nenos menores de dous anos non pasasen tempo fronte a pantallas, debido a que se arriscaban a expoñerse a material inadecuado. Ademais, advertía que podería desprazar outras interaccións importantes para o desenvolvemento e o xogo. Mais estas recomendacións fixéronse antes da chegada dos dispositivos de pantalla táctil, así que é posible que estas teñan un impacto diferente nos cerebros en desenvolvemento dos nenos, segundo as investigadoras.”As aplicacións de pantalla táctil ofrecen unha interacción non experimentada previamente con outros medios e son máis afíns ao xogo tradicional“, sinala Ahearne. “Isto abre unha aplicación potencial destes dispositivos, tanto para a avaliación do desenvolvemento, como para a intervención temperá en nenos con patoloxías de alto risco”.

Con todo, matiza que “hai xa moitas aplicacións deseñadas para bebés e nenos pequenos, pero non existe unha regulación da súa calidade, valor educativo, ou a súa seguridade“. Por iso, algúns dos problemas que xorden coa observación pasiva da televisión tamén se poderían aplicar a estas tecnoloxías.

DEIXAR UNHA RESPOSTA

Please enter your comment!
POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.

Please enter your name here

Este sitio emprega Akismet para reducir o spam. Aprende como se procesan os datos dos teus comentarios.