Sábado 13 Xullo 2024

Clase de robótica e programación para os nenos hospitalizados

O Colexio Profesional de Enxeñaría en Informática de Galicia achega aos cativos unha sesión que terá lugar na aula hospitalaria do CHUS

O Colexio Profesional de Enxeñaría en Informática de Galicia (CPEIG) impartirá este xoves, 16 de maio, unha xornada lúdica cunha clase de introdución á programación visual e robótica na Aula Hospitalaria do Complexo Hospitalario Universitario de Santiago (CHUS) para os nenos e nenas que están hospitalizados, de 15.00 a 17.00 horas.

A clase estará impartida polo grupo de Tecnoloxía á Investigación en Ocupación, Igualdade e Saúde do CITIC da Universidade da Coruña (UDC), coordinado polo colexiado do CPEIG Javier Pereira Loureiro. Con actividades deste tipo, relacionadas coas novas tecnoloxías, o Colexio profesional pretende fomentar o talento dixital dos nenos e nenas de toda Galicia. O taller é unha oportunidade para achegarse de forma lúdica e divertida á tecnoloxía e á enxeñaría en informática. “A tecnoloxía é moi atraínte e sorprendente para os nenos. A actividade axudará a romper coa súa rutina no hospital e a espertar o seu interese e ganas de traballar neste campo do coñecemento” –sinala Javier Pereira–.

Publicidade

Os participantes na sesión desenvolverán habilidades como a creación de mandos a partir de obxectos da vida cotiá

Durante a sesión, realizaranse unha serie de exercicios de programación con sinxelas funcións de realidade aumentada. Traballarase o acceso ao ordenador coa placa MakeyMakey transformando obxectos da vida cotiá –como froitas, utensilios de cociña ou as propias persoas– en mandos para utilizar os xogos deseñados previamente.

O obradoiro avanzará coa interacción co ordenador, usando outros dispositivos como o Micro:bit e o Adafruit Playground que permiten interactuar “sen fíos” e aproveitando os xiroscopios de que dispoñen para crear novas experiencias de control dos elementos que se poden ver nunha pantalla de ordenador. Ademais, probarán robots baseados no microcontrolador Arduino, como é o MBOT, onde os máis pequenos poderán ver como é posible cambiar o seu comportamento en función dos sensores integrados, como o son ambiental, a luz ou a distancia a obxectos do contorno.

Publicidade

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

GCiencia abre o ciclo de faladoiros "Os mundos científicos de Vigo"

Os relatorios darán comezo o luns no edificio Redeiras cunha charla introdutoria que leva por título 'A divulgación científica en Galicia'

“Biosfera escura”: o novo programa do planetario da Casa das Ciencias

O audiovisual dirixido por Javier Bollaín representará unha viaxe dende a Terra ata os confíns da Vía Láctea

Intelixencia artificial para detectar TDAH nas aulas e outros proxectos de Galiciencia 2024

A feira científica reúne un centenar de traballos de alumnado de Secundaria, Bacharelato, FP e Primaria de toda a comunidade

A UVigo reivindica no Día Mundial da Auga a importancia do seu acceso universal

A universidade impulsa a concienciación través dunha serie de pódcast con nenos e nenas e dun concurso escolar de microrrelatos