Xosé Ramón Bustelo. Fonte: CIBERONC.
Xosé Ramón Bustelo. Fonte: CIBERONC.

Xosé Bustelo, presidente da Asociación Española de Investigación sobre cancro

Un dos científicos galegos de referencia na loita contra o cancro, Xosé Ramón García Bustelo (Padrón, 1962), acaba de tomar posesión como novo presidente da Asociación Española de Investigación sobre el Cáncer (Aseica). A entidade, creada hai 33 anos, é un dos principais altofalantes da comunidade científica no eido da oncoloxía molecular.

Xosé Ramón Bustelo doutorouse en Bioloxía na Universidade de Santiago de Compostela en 1990, e posteriormente desenvolveu a súa traxectoria investigadora nos Estados Unidos. Realizou unha estadía posdoutoral ata 1996 no Bristol-Myers Squibb Pharmaceutical Research Institute de New Jersey e foi despois investigador principal na universidade do estado de New York entre 1996 e 2000. Desde 1999 é científico titular e investigador do CSIC no Centro de Investigación del Cáncer de Salamanca, onde actualmente exerce tamén como vicedirector.

O investigador galego é tamén membro desde os inicios do Centro de Investigación Biomédica en Red no estudio do cancro (CIBERONC). Durante a súa carreira publicou 134 artigos e seis patentes. Recibiu varios premios científicos nacionais e internacionais, como o Baldwin Award for Breast Cancer Research (1997), o Sinsheimer Award for Cancer Research (1997) o Premio Nacional de Oncolozía da Fundación Echevarne (2003), a Medalla de Ouro da Irmandade de Fillos e Amigos de Padrón (2006), o Premio da Fundación Mutua Madrileña (2007), o Premio de Investigación Pfizer (2007) e o Premio “Severo Ochoa” de Investigación Biomédica (Fundación Ferrer, 2007).

Destaca tamén pola súa participación en actividades formativas, o fomento do intercambio de técnicas e investigadores, o apoio e asesoramento a proxectos de cooperación internacional. Hai dúas semanas participou na Coruña na xuntanza de Mozos Investigadores celebrada no Muncyt.

En declaracións recollidas polo CIBERONC, Bustelo subliña que “alén do orgullo de ser recoñecido pola comunidade científica do país para este posto, creo que isto representa unha nova oportunidade para impulsar as actividades de Aseica, sobre todo no referente a afianzar a súa proxección internacional, a promoción da investigación ante as axencias gobernamentais, a interlocución cos pacientes e, sobre too, a integración na nosa sociedade científica dos mozos científicos españois que están traballando actualmente tanto dentro como fóra do país”.

 

DEIXAR UNHA RESPOSTA

Please enter your comment!
POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.

Please enter your name here

Este sitio emprega Akismet para reducir o spam. Aprende como se procesan os datos dos teus comentarios.