Unha tese de Santiago ve inviable unha vacina contra as caries

A carie dental non é unha enfermidade infecciosa senón una disbiose polimicrobiana causada por patobiontes, é dicir, unha enfermidade producida por varias especies bacterianas, non só unha. É por iso que as estratexias guiadas coa fin de equilibrar o ambiente metabólico parcial asociado coa carie –en lugar dos tratamentos antimicrobianos convencionais dirixidos a unha soa bacteria, como no caso das vacinas anticaries que se intentaron desenvolver durante décadas- serían máis eficaces na promoción dun contorno oral san. Esta é una das principais conclusións ás que chegou Áurea Simón Soro na súa tese de doutoramento, a primeira con Mención Internacional defendida na Universidade de Santiago de Compostela baseada na aplicación de técnicas ómicas para o estudo de enfermidades polimicrobianas orais.

Representación do avance da carie.
Representación do avance da carie.

O traballo de doutoramento ‘Dental Caries Etiopathogenesis: Microbial composition, functional activity and host recognition’ foi dirixido por Alejandro Mira Obrador, da Área de Xenómica e Saúde do Centro Superior de Investigación en Saúde Pública da Fundación FISABIO (Valencia), e Inmaculada Tomás, coordinadora da Unidade Clínica de Pacientes con Necesidades Especiais e do Oral Sciences Research Group da USC.

Os resultados de Áurea Simón foron publicados en ‘Trends in Microbiology’

A tese xurde como froito da estreita colaboración establecida desde hai varios anos entre os grupos de investigación da USC e de Valencia que se centra no estudo da xenómica de comunidades polimicrobianas asociadas ás patoloxías orais. O traballo de Áurea Simón estudou a composición da comunidade microbiana e a súa funcionalidade en diferentes estadios de progresión da carie dental mediante técnicas de metaxenómica e metatranscriptómica, así como o papel do sistema inmune do paciente para previr a patoxénese da microbiota oral. Os resultados foron xa publicados en numerosas revistas científicas de elevado prestixio no ámbito da odontoloxía e a microbioloxía, destacando de forma especial a publicación en Trends in Microbiology cun factor de impacto de 9,186.
O tribunal que avaliou o traballo estivo composto polas profesoras das Facultades de Odontoloxía e Bioloxía das Universidades de Valencia e Santiago, Carmen Llena, Mercedes Suárez e Ana Otero; a bióloga investigadora Vanesa Blanch, da empresa do sector odontolóxico Dentaid; e o profesor de Microbioloxía da Universidade de Harvard, Jorge Frías-López.

Publicidade

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Un estudo feito en Lugo revela que case o 30% dos adolescentes sofren fobia a quedar sen móbil

A investigación USC saca á luz a relación deste medo irracional co consumo de alcol, tabaco e cánnabis

Carie: os dentes non só caen se abusamos do azucre

A enfermidade periodontal tamén causa a perda de pezas dentais e pode producir por unha mala hixiene oral e o abuso de alimentos ricos en azucres

Galicia avanza para contar cos seus propios medicamentos CAR-T nos próximos anos

A finais de ano abrirá un centro de produción en Santiago e un proxecto de investigación traballa para aplicalos en tumores sólidos

Así era Castro Valente: a fotografía láser recrea a muralla da gran fortaleza medieval galega

Un estudo da USC usa as novas tecnoloxías para ampliar información sobre o xacemento de 10 hectáreas situado entre Padrón e A Estrada