Explicación: as rexións centrais da nosa galaxia Vía Láctea érguense sobre Uluru/Ayers Rock nesta espectacular paisaxe celeste nocturna. Captada o 13 de xullo, unha tenue luminescencia ao longo do horizonte salienta o perfil do accidente xeográfica máis recoñecible da Australia central. Por suposto que as nubes de po cósmico da Vía Láctea tamén aparecen perfiladas, gretas escuras ao longo das tenues diversidades de estrelas. Por riba do vulto central, os ríos de po cósmico converxen na brillante e amarelada estrela superxigante Antares. Á esquerda de Antares, un Saturno vagabundo brilla na noite.
A Vía Láctea sobre Uluru
