Luns 4 Marzo 2024

Unha placenta artificial mantén con vida a fetos animais durante 12 días

O equipo investigador espera que este fito na medicina se poida someter a ensaios clínicos en dous ou tres anos

Esta mañá presentáronse en CosmoCaixa Barcelona os primeiros resultados do proxecto CaixaResearch Placenta Artificial, o primeiro proxecto experimental en modelo animal de placenta artificial en Europa. Esta investigación está liderada polo doutor Eduard Gratacós desde BCNatal, un centro de referencia internacional en medicina fetal do Hospital Clínic de Barcelona e do Hospital Sant Joan de Déu. O obxectivo é reproducir e prolongar as condicións fisiolóxicas do útero materno para permitir o correcto desenvolvemento dos órganos dos recentemente nados de seis meses ou menos, de modo que aumenten as súas posibilidades de supervivencia e se minimicen as secuelas que sofren moitos destes neonatos.

Gratacós afirmou este luns que é un “fito moi importante” e agárdase que o prototipo poida someterse a estudios clínicos en humanos en dous ou tres anos anos. A placenta artificial está pensada para os bebés ultraprematuros, aqueles que nacen antes dos seis meses. En Europa estímase que alcanzan os 25.000 casos. “A súa mortalidade é do 20% cando nacen ás 25 ou 26 semanas, pero ata do 80% se son de 22 ou 23 semanas”, destaca o investigador. Ademais, nestas circunstancias os bebés que sobreviven corren moitos riscos a nivel cerebral e respiratorio.

Publicidade

A placenta artificial simula as condicións intrauterinas para “conseguir sacar ao feto da súa nai e que siga vivindo como un feto”. Para iso, hai que “enganar” ao máximo á natureza. É fundamental que o prototipo garantice, entre outras cuestións, que entre e saia o líquido amniótico, e que lle cheguen ao bebé os nutrientes necesarios para manterse con vida a través do cordón umbilical.

“A placenta é como unha ventosa de carne que se adhire ao útero e se comporta como un radiador polo que circula o sangue e volve saír (circulación extracorpórea) para oxixenar ao feto, pois este non respira directamente senón que lle pasa o oxíxeno a súa nai”, explica o director de BCNatal.

A profesora en Pediatría da División de Neonatoloxía na Universidade de Columbia en Nova York Kelly Werner postula que este é un avance médico que podería axudar a salvar bebés, así como que a placenta deberá someterse a rigurosas probas clínicas. “Se se demostra que a placenta artificial é mellor que os coidados que xa se prestan nas unidades neonatais poderíase aprobar o seu uso máis xeneralizado”, indica.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Confirmado: a actividade física no embarazo beneficia a nai e o bebé

Investigadores españois probaron que o exercicio reduce nun 21% o risco de cesárea e ata un 20% o de incontinencia urinaria

As embarazadas transfiren anticorpos que protexen durante uns meses ao bebé de covid-19

Investigadores españois demostran que a protección diminúe de forma progresiva nos primeiros seis meses de vida

A exposición a plastificantes no embarazo asóciase con menor cociente intelectual na infancia

Unha investigación achega novas evidencias sobre os posibles efectos no desenvolvemento cerebral dos nenos e nenas de 10 anos

O solo pelviano, a musculatura esquecida: “Non somos conscientes de como se contrae”

A incontinencia urinaria ou a dor nas relacións sexuais son algúns dos síntomas derivados de non fortalecer esta parte do corpo