Mércores 24 Xullo 2024

Oncomet comezará este ano a seleccionar pacientes para a biopsia líquida

Despois de moito tempo de traballo e grazas, en gran parte, ás aportacións da campaña de mecenado que levou a cabo hai uns meses, o grupo de Oncoloxía Médica Traslacional (Oncomet), con sede en Santiago de Compostela, achégase cada vez máis a comezar o tratamento cos pacientes de cancro a través da biopsia líquida.

Esta mañá, o director do Oncomet, Rafael López, detallou os primeiros investimentos realizados grazas á colaboración dos milleiros de mecenas que aportaron o seu grao de area ao proxecto.”Grazas á sociedade civil, Galicia está na vangarda da investigación da biopsia líquida”.

Publicidade

Apenas unhas semanas despois de rematar a campaña, chegou aos laboratorios composteláns o Parsotrix, un equipo que presenta un rendemento moi alto na recuperación de células tumorais circulantes. O segundo dos aparellos, cedido en proba a Oncomet pero que será comprado en breve, permite analizar, cunha gran sensibilidade, o material xenético que liberan as células tumorais ao sangue.

Ademais, López anunciou que nos vindeiros meses, antes do final de 2017, comezará a selección de pacientes para ser tratados coa biopsia líquida. Analizarán as mostras de afectados por cancro con metástase en tumores de alta incidencia, como os de pulmón e colon, así como os melanomas e de páncreas.

Publicidade

O equipo humano de Oncomet tamén se viu reforzado coa aportación dos cidadáns. Así, neste mes incorporouse ao grupo un investigador con longa experiencia no eido da bioloxía molecular e da xenética aplicada.

Rafael López tamén incidiu na necesidade de aumentar a aposta pola investigación médica, destacando que as axudas procedentes da Administración Pública se atopan actualmente nos niveis de 2005 ou 2006.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Pequenas modificacións químicas permiten inverter o xiro na secuencia do ADN

Unha investigación sobre o comportamento da molécula da vida podería axudar a entender a resposta das células canceríxenas ante o sistema inmune

Na busca do talón de Aquiles do cancro, do envellecemento e da infección a través da IA

O proxecto AQilles do CiQUS emprega a simulación computacional para explotar as vulnerabilidades das células afectadas

Un estudo galego descobre a primeira cirurxía oncolóxica nun cranio exipcio de 4.000 anos

O historiador da USC Edgard Camarós demostra que nas sociedades antigas xa se intentaba tratar ou explorar o cancro

Pode un fungo curar o cancro?

Os cogomelos do xénero 'Ganoderma' atribuíselles a aparecente capacidade de tratar os tumores, pero non todo é o que parece