Biólogos de Galicia ofrecen voluntarios para as probas do coronavirus

O colexio oficial prepara unha listaxe de profesionais que conten con equipos para poñer a disposición da Consellería de Sanidade e incrementar as probas

Os biólogos de Galicia dan un paso á fronte ante a pandemia de coronavirus. O Colexio Oficial de Biólogos de Galicia está a elaborar unha listaxe de voluntarios expertos na técnica da PCR (‘Reacción en cadea da polimerese’, polas súas siglas en inglés). Este é o sistema empregado para detectar os positivos por coronavirus SARS-Cov-2. E estes profesionais queren achegar a súa experiencia e equipos para que se poidan facer máis probas, de xeito que ofrecerán a listaxe a Consellería de Sanidade.

“Ante a situación creada pola epidemia causada polo coronavirus COVID-19, os Colexios de Biólogos estamos tomando a iniciativa de ofrecer ás Consellerías de Sanidade un listado con biólogos/as colexiados/as expertos en PCR-RT que estean dispostos, voluntariamente, a cubrir as necesidades extraordinarias do servizo que a Administracion sanitaria galega puidera ter”, explica o colexio nun comunicado asinado polo seu presidente, Jose Pelayo Míguez Baños.

Publicidade

A data límite para presentarse voluntario son as 12.00 horas deste mércores 18 de marzo, para o que é preciso enviar un correo electrónico a info@biologosdegalicia.org, incluíndo nome e número de colexiado, ademais de indicar se se dispón de equipos para facer as probas.

A xente nova tamén se contaxia, e por iso fan falta máis probas

A reacción en cadea da polimerase (PCR, do inglés polymerase chain reaction), é unha técnica de bioloxía molecular que permite obter un gran número de copias dun fragmento de ADN particular, partindo dunha cantidade mínima. Deste xeito, amplifícase o fragmento de ADN ao ser replicado pola encima polimerase, o que facilita que se poidan identificar virus ou bacterias causantes dunha efermidade. A técnica tamén se emprega para identificar persoas polo seu ADN, tamén en medicina forense con cadáveres.

Publicidade

Os equipos para realizar PCR están presentes nos hospitais galegos, pero tamén en laboratorios das tres universidades, ou centros específicos de investigación como o CACTI ou o CINBIO, en Vigo. Para estas probas específicas do coronavirus, precisarían uns kits e uns ‘primers’ (cebadores) tamén específicos.

A intención do Colexio de Biólogos de Galicia é poñer estes profesionais voluntariamente ao servizo público, se así o considera a Consellería de Sanidade.

DEIXAR UNHA RESPOSTA

Please enter your comment!
Please enter your name here

Este sitio usa Akismet para reducir o spam. Aprende como se procesan os datos dos teus comentarios.

Relacionadas

Dentro do ‘Odón de Buen’, o buque ‘vigués’ que navega cara á nova campaña científica na Antártida

O oceanográfico construído en Galicia participará por primeira vez nas operacións de apertura das bases españolas do polo sur

Galicia facilita o acceso a Lenzetto dende o estranxeiro ante o desabastemento do fármaco para a menopausa

A falta de tratamento indicado para tratar os síntomas da deficiencia de estróxeno tras a menopausa ten outras alternativas financiadas

Que é o efecto Fujiwhara? O fenómeno polo que un tren de borrascas regará Galicia

Unha fronte activa avanzará polo oeste peninsular e deixará choivas que se manterán canto menos ata o xoves

As emisións bioxénicas de CO2 aumentaron o 64% en Galicia dende 1990

Se se contabilizasen nos inventarios oficiais, elevarían nun 20% o balance galego de gases de efecto invernadoiro