Máis de 52.600 maiores recibiron a cuarta dose contra a covid en Galicia

Os que superen os 80 anos e que non puideran acudir aos vacinódromos serán citados nos centros de saúde correspondentes

Os maiores de 80 que non puideran acudr ao vacinódromo serán citados nos centros de saúde correspondentes.
Os maiores de 80 que non puideran acudr ao vacinódromo serán citados nos centros de saúde correspondentes.

A campaña de vacinación para a covid arrancou a comezos de outubro. Segundo o último balance da Consellería de Sanidade, máis de 52.600 maiores xa recibiron a cuarta dose da vacina contra a covid-19 en Galicia. Nos últimos tres días, os equipos de enfermaría foron quen de administrar 31.015 doses nos puntos de vacinación masiva. A vacina que se está a administrar é multivariante, contra as variantes BA4 e BA5, as circulantes actualmente.

Segundo trasladaron dende o Sergas, a adherencia foi subindo de maneira progresiva desde o venres. Fontes de Sanidade lembran que ese mesmo día, a primeira xornada de vacinación nos grandes recintos, a Cidade da Cultura tivo que ser desaloxada, polo que se interrompeu a vacinación durante tres horas consecutivas.

Seguindo co plan previsto polo Sergas, o vindeiro mércores 12 de outubro remata a vacinación do grupo de idade de máis de 85 anos e o xoves 13 comezarase coa administración da cuarta dose as persoas de 80 a 84 anos. Ademais, adiántase a citación da poboación de 70 a 79 anos. 

A Consellería tamén lembra que os maiores de 80 anos que non puideran acudir a un gran recinto serán citados nos centros de saúde correspondentes e tamén se atenderá no domicilio aos pacientes inmobilizados que cumpra os criterios clínicos establecidos, seguido o procedemento establecido desde o principio da campaña de vacinación.

Finalmente, e respecto á vacinación da gripe, o 96% das persoas aceptaron a administración conxunta da vacina da gripe e a covid, o que significa que non terán que acudir xa ao seu centro de saúde para solicitar a administración desta vacina.

DEIXAR UNHA RESPOSTA

Please enter your comment!
POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.

Please enter your name here

Este sitio emprega Akismet para reducir o spam. Aprende como se procesan os datos dos teus comentarios.