Lugo, a provincia con máis suicidios en todo o Estado

Galicia, Andalucía, Castela e León, Cataluña e Aragón son as comunidades que máis se viron afectadas pola mortalidade por suicidio

Lugo é a provincia con maior taxa de mortalidade por suicidio (15,6 por cada 100.000 habitantes), seguida de Zamora e de Xaén. En total, durante o ano 2021, no Estado faleceron por suicidio 4.003 persoas. Así o reflicte un estudo da Universidade Complutense de Madrid (UCM) que revela unha tendencia crecente de mortalidade por suicidio dende 2018. Isto cristalizouse en 2021, onde se observa un crecemento anual do 6% con respecto a 2018. Así, demóstrase o forte impacto da pandemia no aumento da mortalidade por suicidio.

A investigadora da facultade de Ciencias da Saúde da Universidade Internacional de La Rioha (UNIR) Laura Alejandra Rico-Uribe, expón que “a urxencia de accións fronte ao suicidio non é algo novo. Hoxe en día ponse o foco de atención sobre o suicidio xa que desafortunadamente foi a máis debido á pandemia. As actuacións tanto a nivel de intervención como de prevención son precarias.” Uribe cre que actualmente o Estado “non conta cunha lexislación que proporcione pautas de actuacións para a prevención do suicidio”.

Publicidade

En relación aos dous anos de pandemia analizados (2020 e 2021), vese un claro efecto no número de mortes por suicidio, tanto en homes como en mulleres e tanto en persoas nadas no Estado como fóra. Obsérvase un crecemento de case o 25% en mortalidade por suicidio en persoas migrantes, números que converten este grupo no máis afectado pola pandemia. Doutra banda, só o grupo de persoas de mediana idade presenta un aumento de mortes por suicidio durante a pandemia. Os investigadores especulan que as medidas de control da expansión do virus (como o peche de servizos en momentos iniciais da pandemia, medidas de distancia social ou dificultades económicas) poderían estar detrás deste efecto.

Maior taxa de mortes en persoas de mediana idade

Son as persoas de grandes cidades e capitais de provincia (onde a implantación das medidas de control da pandemia deu lugar a unha maior alteración da vida cotiá) as que viron tamén un maior efecto da pandemia na mortalidade por suicidio. En 2021 corrobóranse as tendencias poboacionais vistas en anos anteriores: unha maior taxa de mortes por suicidio en homes e en persoas de mediana idade (40-64 anos). É de especial interese o aumento de mortalidade por suicidio en persoas non nadas en España. A nosa taxa de mortalidade vaise achegando perigosamente á media mundial marcada pola OMS.

Os investigadores do Centro de Investigación Biomédica en Red Salud Mental (Cibersam) Alejandro da Torre, investigador principal do Grupo de Investigación en Epidemioloxía Psiquiátrica e Saúde Mental da Universidade Complutense de Madrid, Víctor Pérez, director Instituto de Neuropsiquiatría e Adiccións do Hospital do Mar (INAD) e catedrático de Psiquiatría da Universidade Autónoma de Barcelona e José Luis Ayuso, catedrático en Psiquiatría e Director do Centro Colaborador da Organización Mundial da Saúde para Investigación e Formación en Servizos de Saúde Mental na Universidade Autónoma de Madrid, deron a coñecer na Facultade de Medicina da Complutense o Informe da evolución do suicidio en España desde 2000-2021, con especial interese no papel que xogou a pandemia de covid-19.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Confirmado: hai unha estreita relación entre a microbiota e a deterioración da saúde mental

Un estudo realizado en Corea do Sur estimou unha probabilidade 1,4 veces maior de padecer depresión se mediaba unha dieta xenerosa en ultraprocesados

Gastos excesivos, comidas familiares… Estes son os consellos para sobrevivir o Nadal

A psiquiatra galega Iria Veiga recomenda repartir as tarefas do fogar e non sobrecargarse con compromisos sociais

Ansiedade pola crise climática: “Nada parece útil para salvar o planeta do seu inexorable final”

As respostas emocionais ante as ameazas ambientais que poñen en perigo o futuro da Terra son cada vez máis comúns na poboación

Un estudo galego demostra que o consumo de substancias é un factor de risco do suicidio

Os investigadores aseguran que ten máis prevalencia en zonas rurais e que o cometen máis os homes que as mulleres