Venres 23 Febreiro 2024

A Axencia Europea do Medicamento autoriza a vacina de Pfizer na franxa de 5 a 11 anos

Administranse dúas inxeccións, separadas por 21 días, aínda que a dose será unha terceira parte da usada nas persoas maiores de 12 anos

O comité de Medicamentos Humanos (CHMP) da Axencia Europea do Medicamento (EMA) anunciou este xoves a aprobación do uso da vacina Comirnaty contra a Covid-19, fabricada polas compañías Pfizer e BioNTech, para os nenos e nenas de 5 a 11 anos. Aclara a EMA que a dose será inferior (10 microgramos) fronte aos 30 microgramos da dose que se usa a partir dos 12 anos. Administrarase tamén con dúas inxeccións na parte superior do brazo e cunha marxe de 21 días entre cada dose. En Galicia, segundo avanzou o presidente da Xunta este mediodía, poderían comezar a administrarse as vacinas nesta franxa de poboación durante as vacacións de Nadal, en caso de que haxa doses dispoñibles.
A decisión sostense en ensaios realizados nos últimos meses, como un estudo principal que amosou que a resposta inmune xerada pola vacina Comirnaty nunha dose máis baixa foi comparable á observada coa dose ‘estándar’ en persoas de entre 16 e 25 anos. A eficacia calculouse en case 2.000 nenos de 5 a 11 anos sen signos de infección previa, algúns dos cales recibiron placebo e outros a vacina. Dos 1.305 que recibiron a dose real, tres desenvolveron Covid-9 en comparación con 16 dos 663 que recibiran un placebo, o que supón que a vacina tivo unha efectividade do 90,7% para evitar a Covid-19.

En canto a posibles efectos adversos, nunha proporción dos casos observáronse reaccións semellantes ás xa detectadas na poboación de maior idade, como dor, cansazo, cefalea e entumecemento no lugar da inxección. Son efectos leves ou moderados e melloran aos poucos días.

Con esta información, o CMHP concluíu que os beneficios da vacina superan aos riscos no caso dos nenos de 5 a 11 anos, polo que se procedeu a autorizar a extensión do seu uso a este rango de idade. Agora só queda o trámite de que a Comisión Europea emita unha decisión final.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Por que están aumentando os casos de covid en Galicia? Estas son as claves

Un maior movemento da poboación no verán, a caída da inmunidade e a aparición de novas liñaxes de ómicron poden ser os desencadeantes

Nova variante covid? Estes son os motivos polos que están aumentando os casos en España

O cambio de costumes durante o verán e a relaxación das medidas preventivas explicarían o incremento de contaxios

Sonia Villapol: “En Galicia estímase que 75.000 persoas teñen covid persistente”

A neurocientífica galega acaba de publicar un libro no que reflexiona sobre as leccións aprendidas durante a pandemia

Un equipo galego deseña un sistema para detectar o ARN do coronavirus

Tamén presentou avances en novas ferramentas de Intelixencia Artificial (IA) capaces de acelerar o desenvolvemento de fármacos