A OMS declara a ‘emerxencia sanitaria internacional’ polo coronavirus

A Organización Mundial da Saúde fixo unha reunión de urxencia pero considera que non deben pecharse fronteiras nin reducir o comercio

A Organización Mundial da Saúde (OMS) declarou que a epidemia provocada polo coronavirus de Wuhan é xa unha emerxencia sanitaria mundial, debido á facilidade coa que o virus se pode propagar en países con sistemas sanitarios deficientes.

Con todo, a pesar da gravidade da situación a OMS subliñou que se opoñen ás medidas que apoian a restrición de viaxes e comercio internacional. Neste sentido, mencionou que o peche de fronteiras, a cancelación da concesión de visas ou a posta en corentena de certos cidadáns “debería ser reconsiderada”. Así mesmo, lembrou que as aerolíneas tomaron a decisión de cancelar os voos con destino e saída desde China por unha caída da demanda de pasaxeiros, non pola gravidade da situación.

Publicidade

Durante a rolda de prensa que deron tras a reunión mantido por un comité de emerxencia de 15 expertos, convocado polo director xeral da OMS, Tedros Adhanom Ghebreyesus, o organismo felicitou a China pola rapidez coa que tratou a crise e subliñou que a súa eficacia permitiu que o virus non se estendeu aínda máis do que xa o fixo.

É a sexta ocasión en que a OMS declara este tipo de emerxencia global, tras as que activou ante o brote de gripe H1 N1 (2009), os de ébola en África Occidental (2014) e na República Democrática do Congo (2019), o de polio en 2014 e o de virus zika en 2016.

Segundo os datos da organización, ata o momento hai xa 7.818 contaxios -e 170 mortes- confirmados en todo o mundo, dos cales 7.736 están en China e o resto repartidos noutros 18 países.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Gripe H5N1: a próxima pandemia?

Unha variante do virus, presente dende 2020, está a causar mortalidades nunca vistas en aves, tanto domésticas como silvestres

Desconcerto ante o aumento da tosferina: os casos en Galicia en febreiro xa superan os de 2023

As causas deste repunte non están claras e as hipóteses están relacionadas co período postpandémico así como coas temperaturas anómalas do inverno

Marcos Martinón, un galego entre guerreiros de terracota: “É incrible, pero non hai dous soldados iguais”

O arqueólogo ourensán investiga dende hai case 20 anos o espectacular mausoleo do primeiro emperador chinés, un xacemento con 2.000 anos de antigüidade

Así é ‘Mycoplasma’, a principal sospeitosa da pneumonía infantil en China

O microbiólogo Raúl Rivas fai un retrato robot da bacteria que probablemente contribuíu a disparar a incidencia de enfermidades respiratorias no xigante asiático