Venres 1 Marzo 2024

A máscara deixará de ser obrigatoria en interiores despois de Semana Santa

Só serán necesarias en tres situacións: transporte público, hospitais e residencias de anciáns

O Goberno levará ao Consello de Ministros previsto para o 19 de abril, despois de Semana Santa, a fin do uso da máscara en interiores salvo en tres situacións: transporte público, hospitais e residencias de anciáns. Así o confirmou este mércores a ministra de Sanidade, Carolina Darias, no contexto do Consello Interterritorial do Sistema Nacional de Saúde (CISNS) que se celebra en Toledo. Isto suporá que a máscara poderá retirarse en espazos como comercios, hostalaría e colexios.

Rematar coa máscara en interiores era a última gran medida para frear a covid que se mantiña en España, xa que dende o luns 28 de marzo xa non se realizan test nin é necesario facer illamento para os positivos leves. Para comunidades como Madrid ou Cataluña, a retirada das máscaras en interiores chega tarde, pois xa querían suprimir a obrigatoriedade antes de Semana Santa.

Publicidade

Os espazos pechados e as máscaras

O uso de máscaras en espazos pechados (salvo nas excepcións mencionadas) pasará a ser unha recomendación sempre que non se poida gardar a distancia de seguridade dun metro e medio. Os expertos insisten en que as persoas maiores de 60 anos ou aquelas que son máis vulnerables á covid grave por algunha enfermidade deberían seguir usándoa, aínda que non sexa obrigatorio.

Chegou a hora de retirar a máscara en interiores? Os expertos din si

No ámbito laboral, as máscaras tamén poderán quitarse, aínda que esta medida deberá ser valorada polos servizos de prevención de riscos laborais. O relatorio de alertas recomenda o seu uso se non se pode garantir un metro e medio de distancia cos compañeiros ou unha correcta ventilación. Doutra banda, o gran cambio chega para os interiores de uso público, como os centros comerciais ou as tendas; os lugares de lecer (cinemas, teatros, museos, salas de concerto…) ou bares e restaurantes, nos que tamén deixará de ser obrigatoria.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

O pico de gripe en Galicia adiántase á semana de Reis: “Estamos no punto de maior incidencia”

Segundo os últimos datos do Sergas, o número de persoas ingresadas polo virus respiratorio é de 904, dos que 42 están en UCI

A gripe, nunha “elevada pendente”: Galicia achégase ao pico de infeccións respiratorias

O epidemiólogo da USC Juan Gestal sostén que a covid-19 mantén unha tendencia estable. O virus respiratorio sincitial (VRS) anota un aumento contaxios

Galicia arrinca a vacinación contra a gripe e a covid o 25 de setembro

A Consellería de Sanidade confirma que a campaña de 2023 se prolongará ata o 31 de decembro e se levará a cabo en diferentes centros

Por que están aumentando os casos de covid en Galicia? Estas son as claves

Un maior movemento da poboación no verán, a caída da inmunidade e a aparición de novas liñaxes de ómicron poden ser os desencadeantes