Venres 23 Febreiro 2024

Entrega do premio da Fundación Antonio Esteve a Daniel Beiroa e Rubén Nogueiras

Os investigadores do grupo de Metabolismo Molecular da USC Rubén Nogueiras e Daniel Beiroa reciben este martes o premio de Investigación Fundación Dr. Antonio Esteve ao mellor artigo de investigación farmacolóxica publicado por un autor español nos últimos tres anos. A entrega realizarase nun acto que terá lugar no Centro de investigación en Medicina Molecular e Enfermidades Crónicas (CiMUS) da USC.

A sesión comezará coas intervencións da vicerreitora de Investigación e Innovación, Isabel Rodríguez-Moldes, e do director da Fundación Dr. Antonio Esteve, Fèlix Bosch. Deseguido intervirán Rubén Nogueiras que realizará unha presentación  do grupo de investigación e Daniel Beiroa, primeiro asinante do traballo, que presentará un resumo do artigo premiado. O premio, outorgado por un tribunal internacional, está dotado con 18.000 euros. 

O traballo premiado conseguiu, por un lado, demostrar en roedores cómo a liraglutida actúa no cerebro e activa un mecanismo para queimar graxa e incrementar o gasto enerxético sen que se vexa afectada a inxesta de alimentos. Por outra banda, a investigación tamén realizou un exhaustivo seguimento de quince pacientes con obesidade e diabete tipo 2, controlando periodicamente o peso, a alimentación, a insulina, a glucosa e outros indicadores. Despois dun ano de tratamento, os pacientes mostraron un maior gasto enerxético e lograron perder un 5% de graxa, resultados especialmente relevantes, xa que esta redución contribúe a mellor o seu perfil clínico.

1 comentario

  1. Ojalá se pueda seguir investigando porque buenos investigadores no faltan , aunque cada vez ,.por desgracia , es menor la inversión que el gobierno concede a la investigación.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Yolanda Prezado: “Coa protonterapia erradicamos o 83% dos tumores en estudos preclínicos”

A científica galega referente en París incorpórase ao CiMUS para impulsar a investigación en Galicia da terapia con protóns

Identificada unha proteína esencial na regulación da obesidade

Un estudo do CSIC descobre que Dido1 ten unha función clave no desenvolvemento do tecido adiposo

Un equipo galego demostra que o estómago é capaz de regular o apetito e o peso corporal

O estudo do IDIS revela cambios substanciais na produción da proteína GDF15 a nivel gástrico vinculados coa obesidade, a idade e o xénero

Non só engorda o que comemos: estes compostos químicos fan que aumentes de peso

Presentes en diferentes substancias e no ambiente, certos compostos químicos son capaces de alterar o funcionamento do noso organismo