Santiago reúne ós maiores expertos europeos no estudo das distrofias

Os investigadores máis senlleiros de Europa no estudo das patoloxías relacionadas co tecido adiposo e o avellentamento reuniranse este martes 8 e o mércores 9 na Facultade de Medicina da USC no terceiro encontro anual do Consorcio Europeo de Lipodistrofias (ECLip) que preside o profesor da USC David Araujo-Vilar. A xuntanza coordínaa a Unidade de Enfermidades Tiroideas e Metabólicas do Centro singular de investigación en Medicina Molecular e Enfermidades Crónicas (CIMUS).

Asisten relatores de Reino Unido, Francia, Italia, Alemaña, Holanda, Rusia e España procedentes de universidades públicas e centros de investigación de prestixio como as universidades de Cambridge, Pierre et Marie Curie, Ulm ou Roma Tor Vergata, entre outras, para impartir un total de 23 conferencias. Xunto aos/ás especialistas tamén se darán cita representantes de doentes.

Publicidade

O abano de temas a tratar permitirá discutir as cuestións de maior actualidade respecto deste conxunto de enfermidades raras, con especial atención ás bases moleculares, novas síndromes lipodistróficas, abordaxe diagnóstico, modelos celulares e terapias innovadoras. Aínda que se trata de patoloxías de baixa incidencia –englobadas nas chamadas enfermidades ultra-raras-, os expertos consideran que as súas implicacións no coñecemento de enfermidades comúns e complexas como a diabete, dislipemias, ECV ou outroas, resultan evidentes. A xuntanza con financiamento da Asociación de Familiares e Afectados de Lipodistrofias (AELIP).

Na Aula Castelao da Facultade de Medicina, o programa comezará ás 8.50 horas cunha sesión de benvida na que intervirá David Araújo-Vilar, para dar paso ás 9.00 horas á conferencia inaugural que pronunciará Felipe Casanueva.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Santiago rexistrou máis de 2.300 horas de Sol en 2023, a segunda marca máis alta do século

A chuvia recollida ao longo do ano superou os 2.000 litros por metro cadrado, mentres que a temperatura máxima foron os máis de 36 graos do pasado 8 de agosto

A calidade do aire en Santiago, no límite das recomendacións da OMS segundo un estudo

ConBici presenta os resultados dun proxecto no que colabora a USC e que mediu a calidade do aire en 18 cidades españolas durante dous anos

O falso mito das casas galegas de pedra: cando os muros eran brancos

Hai 100 anos, as vivendas galegas cubríanse de cal por cuestións hixiénicas e de illamento térmico, pero unha nova corrente estética do século XX reverteu a tendencia

Pódcast: Bailando con Reis e Raíñas | 13. A inventio da tumba do Apóstolo

O descubrimento da tumba do Apóstolo no século IX foi a reacción do poder hexemónico franco ao florecente emirato de Córdoba