Únete á nosa canle de Whatsapp
O salón de actos da Escola Técnica Superior de Enxeñaría (ETSE) da USC acolle o vindeiro 14 de decembro a cuarta edición da xornada Mulleres na Ciencia, un encontro para reflexionar sobre a incorporación feminina á carreira científica.
A xornada comezará ás 16 horas coa mesa redonda: Como promovemos as vocacións STEM femininas? moderada por Encina Calvo, profesora da USC, e na que participan Luz Castro Pena de Imaxin Software, Soledad Torres Guijarro da Universidade de Vigo, Joana Magalhaes do Instituto de Investigación Biomédica (Inibic) e Susana Ladra González da Universidade da Coruña.
Posteriormente, ás 18 horas, celebrarase a asemblea de AMIT-Gal, o nodo galego da Asociación de Mulleres Investigadoras e Tecnólogas.
O encontro Mulleres na Ciencia está organizado pola Oficina de Igualdade de Xénero da USC e AMIT-Gal.
Máis información e inscricións, nesta ligazón.
