Unha investigación da Facultade de Veterinaria de Lugo sobre as anomalías esqueléticas do linguado acaba de recibir o Premio Cristóbal de la Puerta para o desenvolvemento do sector gandeiro, un recoñecemento creado pola Editorial Agrícola Española. A súa autora é a doctoranda Ana Manuela Azevedo Gomes, do Departamento de Ciencias Clínicas Veterinarias, que logrou optimizar o radiodiagnóstico do linguado senegalés (Solea senegalensis) de cultivo, con vistas a mellorar a calidade do produto que chega ao consumidor. O traballo proba a existencia de anomalías esqueléticas nos linguados que permanecen desapercibidas logo dunha primeira avaliación esquelética macroscópica. A radiografía constitúe unha valiosa ferramenta para a detección deste tipo de alteracións da columna vertebral en xuvenís.Ademais, a tecnoloxía aplicada no estudo é válida tamén a noutras especies de peixes planos.
Máis información no seguinte enlace:
http://xornal.usc.es/xornal/acontece/2015_12/noticia_0084.html
Premiado un estudo sobre as anomalías esqueléticas do linguado
