Pedro Vieites. Fonte: Colexio Oficial de Biólogos de Galicia.

Pedro Vieites. Fonte: Colexio Oficial de Biólogos de Galicia.

O galego Pedro Vieites, na Olimpiada Iberoamericana de Bioloxía

O alumno do IES Rosalía de Castro de Santiago participará en Loja (Ecuador) xunto aos outros tres membros do equipo español

O mozo Pedro Vieites Pérez, do IES Plurilingüe Rosalía de Castro de Santiago de Compostela, será un dos representantes de España na Olimpiada Iberoamericana de Bioloxía que este domingo 9 comeza en Loja (Ecuador) e que se desenvolverá ata o vindeiro día 15. Xunto a Pedro, que obtivo o segundo premio na fase española da Olimpiada celebrada en abril en Badaxoz, participarán Eduardo Martínez Marín (Madrid), Iker Puerto San Román (Andalucía) e Laura Hidalgo Pérez (Castilla y León).

A delegación española poderá participar finalmente no evento, despois de verse obrigada a abrir unha campaña de financiamento para sufragar os gastos da viaxe, ante a falta de apoio institucional. Porén, pouco despois de esta acción, segundo indicou Antonio Jimeno, membro da xunta directiva da Olimpiada Española de Bioloxía (OEB), a entidade recibiu o apoio económico de diferentes entidades, como as consellerías de Educación de Galicia, Andalucía e Madrid, varios colexios autonómicos de Biólogos e outras entidades.

Nunha situación semellante estivo a delegación española da Olimpiada Internacional de Matemáticas, na que o galego Santiago Vázquez obtivo unha medalla de bronce, que tivo que recorrer á axuda privada para poder viaxar ao certame.

Deixar unha resposta

XHTML: Podes empregar estas etiquetas: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.