Cae o célebre arco de Darwin, nas illas Galápagos

O Arco de Darwin, unha célebre estrutura labrada pola erosión na illa que leva o nome do explorador británico, colapsou nos últimos días por mor do mesmo fenómeno que a fixo posible. Este enclave, na illa máis setentrional do arquipélago das Galápagos, no Océano Pacífico e a máis 1.000 quilómetros da costa suramericana, foi moi relevante nos estudos do naturalista Charles Darwin. A bordo do Beagle, o explorador británico atopou nestas illas, que hoxe pertencen ao Ecuador, algunhas das claves para formular os seus postulados sobre a evolución das especies, que mudaron a historia das ciencias da vida. Hoxe as Galápagos no seu conxunto son Patrimonio da Humanidade.

O acontecemento foi presenciado en directo sobre as 11.20 da mañá, hora local, por un grupo de turistas guiados pola empresa Aggressor Adventures. “Un acontecemento único na vida”, expoñía a axencia nas súas redes.

Publicidade

 

A illa próxima a onde se atopaba o arco de Darwin está vedada ao acceso por terra, e só é visitada por mergulladores que acoden á zona para observar a gran biodiversidade mariña. Aqí conflúen tiburóns martelo, xurelos, golfiños, tartarugas e outras aves, moitas delas especies endémicas.

O arco de Darwin lembraba, pola súa forma, a algúns dos arcos da praia de Augas Santas de Ribadeo, tamén coñecida como As Catedrais, e que nos últimos anos tamén está a experimentar un proceso erosivo que xa destruíu algunhas das súas formacións rochosas.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Un estudo revela a evolución dos asentamentos humanos en España entre 1900 e 2020

A investigación na que colaborou un equipo da USC podería servir para modelar a influencia do crecemento urbano no cambio climático

A herdanza xenética dos denisovanos inflúe na depresión, no TOC ou na anorexia

O equipo de investigadores identificou a contribución xenética más extendida destes homínidos ata o momento

Os xenomas de 800 primates revelan claves de mutacións que causan cancro ou cardiopatías

Este estudo mostra características fundamentais da evolución e as doenzas humanas para a conservación da biodiversidade

As femias esixentes elixen aos machos raros e teñen fillos máis sexis

Un estudo de investigadores de EE UU, realizado con peixes guppy, mostra que os individuos con trazos pouco comúns resultan máis atractivos