Noa e Hugo son os nomes máis comúns en Galicia na última década

O Instituto da Lingua Galega da Universidade de Santiago ofrece unha web interactiva co ránking e evolución dos nomes máis populares para nenos e nenas nacidos en Galicia entre 2000 e 2013 elaborada a partir de datos do padrón sobre estatística de nacementos. Ademais, inclúese algunha información as súas orixes etimolóxicas e o seu significado.

Os nomes de nenas que máis aumentaron a súa frecuencia foron Noa, Daniela e Carla, sendo Noa o nome máis frecuente en 2012 e 2013. Os nomes masculinos que se fixeron máis populares na última década foron Hugo (figura en primeiro lugar desde o 2008), Mateo e Nicolás. Tanto Noa como Hugo comezaron a ser máis frecuentes a partir da década de 1980 e especialmente a partir de 2000.

Publicidade

Os datos recollidos nesta ferramenta foron tirados da información que proporciona o Instituto Nacional de Estatística, e completados coa achega do Instituto Galego de Estatística. Os investigadores destacan que nomes tradicionais desde hai moitos anos como Manuel e María continúan a figurar na lista dos máis habituais. Entre os dez máis comúns aparecen tamén formas propias galegas como Brais, Antía ou Uxía, que nos últimos tempos se foron facendo máis habituais.

Esta información complementarase nos próximos meses cunha nova aplicación que permitirá coñecer a evolución dos nomes propios de persoa en Galicia nos últimos cen anos.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Case o 20% da poboación galega consome alcol a diario

Un estudo publicado por investigadores da USC determina as tendencias de consumo e os factores sociais e culturais que provocan o alcolismo

Denuncian que o poste dun pantalán leva máis dun mes na praia de Carril

Limpiarousa e Noia Limpa advirten que está composto por "materiais contaminantes" e acusan falta de compromiso ás administracións

Faneca, lirio, xurelo e pescada: os catro piares da dieta da toniña en Galicia

Un estudo do IEO e da UVigo analizou o contido estomacal de 72 cetáceos varados no litoral galego entre 1990 e 2018

Un Vesubio en Galicia? O supervolcán que arrasou o norte peninsular hai 475 millóns de anos

Ollo de Sapo é unha formación xeolóxica situada no concello de Monfero, que se creou a raíz dunhas erupcións colosais no período Ordovícico