Tomates que saben a verán, grellas para dourar as mellores pezas e bo ambiente acompañado de refrescantes bebidas é o que precisa para alegrar o día. Para os novos Soletes estivais, o equipo de expertos de Guía Repsol elixiu lugares que mostran a súa mellor cara nestes meses onde a alegría de días máis longos convida a compartir instantes únicos. En Galicia hai 23 novos locais dentro da lista Repsol —nove na Coruña, catro en Lugo, tres en Ourense e sete en Pontevedra— que non podes perder este verán.
Guía Repsol seleccionou máis de 260 chiringuitos e establecementos con terraza onde se come ben e estase moi a gusto. “Os Soletes convertéronse nun top do verán porque evitan ter que buscar onde ir e desvelan lugares que non tiñas no radar, coa garantía de estar seleccionados por un equipo de expertos cun criterio gastronómico que coincide co da maioría. Coa aplicación de Guía Repsol é moi fácil atopalos”, explica a súa directora, María Ritter.
De restaurantes a chiringuitos
Estar ao aire libre é un dos praceres indiscutibles do verán. Coas vacacións chegan as viaxes sen présa polas zonas que levas todo o ano querendo explorar e tamén a posibilidade de descubrir recunchos que non coñecías da túa propia cidade. Sempre hai un sitio onde sentar á sombra, aínda que ás veces pareza misión imposible; un lugar reconfortante no que pedir algo de beber e estirar as pernas mentres miras a carta. Son as vacacións, a época máis desexada do ano e hai que aproveitalas.
Entre os case 5.000 establecementos que xa locen o seu adhesivo amarelo hai plans para todos os gustos e propostas culinarias para moi diferentes ocasións. Cada cafetería, bar, restaurante ou chiringuito coa súa distinción Solete Guía Repsol ten unha historia detrás e este verán pode ser un bo momento para coñecer algunhas. Na súa duodécima edición, a cualificación máis nova de Guía Repsol continúa a súa filosofía de premiar eses establecementos que recomendarías a un amigo, cunha proposta apetecible e o ambiente máis próximo.
Os novos Soletes galegos
Nesta edición, Guía Repsol recoñeceu 23 Soletes de verán en Galicia. En total, Galicia conta con 328 Soletes. Estes son os novos:
A Coruña: Riba da Cheda e O Moncho Burguer, en Carnota; Do Pincho, en Carral; Pura Manteca, en Miño; Saburil, en Muxía; O Castro e Cabeiro Cámping Gastrobar, en Porto do Son; Marte, en Santiago de Compostela, e Árnica, na Coruña.
Lugo: Salitre, en Burela; La Terraza del Méndez, en Lugo; Confitería Méndez, en O Valadouro, e Taberna Galiana, en Mondoñedo.
Ourense: O Pillabán, na Rúa; Os Faroles, en Barbadás, e Villa Chicana, en Vilamartín de Valdeorras.
Pontevedra: El Pirata, no Grove; Bico Beach, en Sanxenxo; Hama Bar, en Pontevedra; Los 3 Monos Aguete, en Marín; Carmela Portomaior e Noite Tapas, en Bueu, e Areoso Beach Club, na Illa de Arousa.
