Xoves 23 Maio 2024

O ‘Social Media Day’ analiza en Pontevedra como as redes sociais mudaron a comunicación

Estudos recentes, como o OBS Social 2015, sitúan en preto de 17 millóns os usuarios e usuarias activos cos que contan en España as redes sociais, ferramentas que teñen contribuído a que o mundo da comunicación sexa hoxe “diametralmente diferente” a anos atrás, como sostén o profesor da Facultade de Ciencias Sociais e da Comunicación Xabier Rolán. Para afondar na incidencia destes novos “altofalantes” en ámbitos como a difusión dos novos medios dixitais, o turismo, as estratexias de comunicación empresarial ou a propia influencia persoal, esta facultade do campus pontevedrés celebrará o vindeiro luns 25 a segunda edición do Social Media Day, no que 15 expertos e profesionais deste eido tomarán parte nun “evento 2.0”, no que esa “comunicación bidireccional” que define as redes sociais se promoverá tanto no propio salón de graos do centro como a través das propias redes que centrarán o debate.

“A intención é darlle un pouco de acubillo ás redes sociais desde o punto de vista académico”, salienta Rolán da actividade coa que, por segundo ano consecutivo, CCSS e da Comunicación conmemora o Día do Community Manager. Organizado por Rolán xuntos cos profesores Daniel Martí e Mónica Valderrama e a Delegación de Alumnado, este segundo Social Media Day estruturase en catro mesas de debate, dirixidas a afondar no papel das redes sociais desde diferentes ópticas, que permitirán tamén ao alumnado coñecer as experiencias e impresións “de diferentes profesionais que saíron desta facultade, na que se imparten titulacións máis que óptimas para exercer esta profesión”, como sinala Rolán. “A idea é que sexa algo aberto, un evento 2.0 non pode ser unidireccional”, engade o promotor desta iniciativa, que poderá seguirse en directo tanto a través das redes sociais, como de UVigo-TV e sobre o que os estudantes responsables do programa de radio El Escaparate realizarán un programa especial en directo, que se poderá escoitar a través da plataforma Campus Culturae, da USC.

Publicidade

Máis información no seguinte enlace:

http://duvi.uvigo.es/index.php?option=com_content&task=view&id=10835&Itemid=42

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Artigo anterior
Seguinte artigo

Relacionadas

A feira ‘A ciencia que vén’ celebrarase por primeira vez en Pontevedra

O evento da UVigo englobará unha serie de obradoiros, actividades lúdicas e charlas divulgativas

Catro galegos proban o primeiro fármaco contra o fígado graxo nun ensaio clínico pioneiro

O tratamento, que acaba de ser aprobado en Estados Unidos, pode tardar dous anos en estar dispoñible en España

Un equipo de atlanTTic deseña antenas innovadoras para satélites xeoestacionarios

O proxecto da UVigo busca unha redución na masa e o volume da tecnoloxía, así como diminuír os custos

Un equipo da UVigo analiza en alta resolución o transporte de humidade no Atlántico norte

O grupo EphysLab investiga como se altera o ciclo hidrolóxico na rexión oceánica por procesos relacionados co cambio climático