Únete á nosa canle de Whatsapp
Xa hai nome para o novo convidado do Programa Conciencia, dirixido polo catedrático da USC Jorge Mira. A finais de novembro, segundo anunciou o científico galego a través das redes sociais, estará en Galicia Jean Pierre Sauvage, investigador francés que recibiu en 2016 o premio Nobel de Química xunto a Ben Feringa e Fraser Stoddart. O galardón recoñeceu o traballo dos tres científicos no deseño e síntese das máquinas moleculares.
Estes compostos, que se poden regular segundo os investigadores decidan, poden ter aplicacións nos medios biolóxicos e artificiais, como ascensores e válvulas, e tamén poden usarse como transportadores de fármacos. Neste senso, varios científicos galegos manteñen colaboracións con Feringa (CiQUS de Santiago) e Stoddart (Grupo Quimolmat da UDC).
Sauvage, nacido en París en 1944, estudou na universidade Louis Pasteur de Estrasburgo e traballou no Centre national de la recherche scientifique (CNRS) e é profesor emérito da universidade de Estrasburgo.
