O Congreso GENN 36 reúne a 72 neurocientíficos en Viveiro

Viveiro acolle ata o día 12 o congreso anual do Grupo Español de Neurotransmisión e Neuroprotección, GENN 36, que se celebra no hotel Thalasso Cantábrico As Sirenas, e no que participan 72 neurocientíficos, neurólogos e neurofarmacólogos provenientes de toda España, así como de Estados Unidos, México e Chile.
Ao longo de catro días, e a través de diversos relatorios, abordarán aspectos relacionados coas investigacións ao redor das neuronas e a procura de compostos neuroprotectores en enfermidades neurodexenerativas como o Alzheimer ou o Parkinson. Está coordinado por Iago Méndez López, do Instituto Teófilo Hernando de I+D do Medicamento, departamento de Farmacoloxía e Terapéutica da Universidade Autónoma de Madrid.
Máis información no seguinte enlace:
Programa preliminar