O cerebro inflámase vinte anos antes de que apareza o alzhéimer

A investigación foi liderada polo Instituto Karolinska de Suecia.

O cerebro comeza a inflamarse dez anos antes de que aparece o alzhéimer. Así o sinala a investigadora galega Elena Rodríguez Viéitez, nunha investigación desenvolvida no instituto Karolinska de Suecia. O traballo permitiu visualizar os primeiros cambios que se producen no cerebro, moitos anos antes de que a enfermidade produza os primeiros síntomas.

Elena Rodríguez-Viéitez.
Elena Rodríguez-Viéitez.

As causas do alzhéimer seguen a ser descoñecidas para a ciencia. Sábese que a enfermidade empeza co depósito de proteínas beta-amiloide e tau que forman placas no cerebro. E comeza unha dexeneración que culmina coa progresiva destrución das neuronas. Nos últimos tempos, os estudos sinalan ós astrocitos, as células máis abundantes do sistema nervioso e que dalgún xeito exercen de sostén das neuronas. O estudo do Instituto Karolinska de Suecia, publicado na revista científica Brain, ten como primeira autora a investigadora galega Elena Rodríguez-Viéitez, estreita agora o cerco.

Segundo informa La Voz de Galicia, a investigación examinou en vivo o cerebro dun grupo de 52 voluntarios con alzhéimer, tanto nas súas formas hereditaria como esporádica, mediante o uso dun escáner PET (tomografía por emisión de positrones). Isto permitiu visualizar por primeira vez inflamacións no cerebro case vinte anos antes de que aparezan os primeiros síntomas da enfermidade en forma de perda de memoria. Os astrocitos orixinan a inflamación, aínda que logo esta actividade diminúe co tempo, mentres que a formación de placas de proteínas continúa.

Os astrocitos son así un sinal que permitiría unha diagnose temperá do alzhéimer. E tamén unha diana para futuros medicamentos, que impidan a súa acción para inflamar o cerebro.

DEIXAR UNHA RESPOSTA

Please enter your comment!
POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.

Please enter your name here

Este sitio emprega Akismet para reducir o spam. Aprende como se procesan os datos dos teus comentarios.