Venres 29 Marzo 2024

O Campus Terra estreita relacións con Indonesia e os seus centros de investigación agroalimentaria

O Campus Terra da USC iniciou este mércores 29 de marzo unha visita de dúas semanas a Indonesia a través da cal se pretende coñecer de primeira man o sistema universitario do país, así como estreitar ligazóns con distintos centros de referencia no eido agroalimentario. O xestor de Internacionalización do Campus Terra da USC, Pedro Fiz Rocha aproveitará a súa participación nestas xornadas para asistir a un workshop na Bogor Agricultural University, no marco do que distintos expertos farán unha aproximación á internacionalización no ámbito universitario.

A creación de consorcios, a busca de financiamento para o posterior desenvolvemento de proxectos, a cooperación institucional ou as claves para poder definir unha estratexia acaída de internacionalización, serán algunhas das cuestión obxecto de análise e debate neste obradoiro de expertos, unha sesión na que tamén se tratarán cuestións relativas á empregabilidade no contexto internacional.

Publicidade

O xestor de Internacionalización do Campus Terra da USC aproveitará a súa estadía en Indonesia para visitar ao longo da semana do 3 de abril diferentes universidades do país, nas que realizará unha presentación da oferta académica, así como dos servizos e das distintas plataformas de investigación que agroma o Campus Terra da USC, o campus da Universidade de Santiago de Compostela especializado na sustentabilidade social, económica e medioambiental do uso da terra.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Un bólido cruza a costa de Lugo ata caer no Cantábrico

A segunda bóla de lume visible dende Galicia en apenas dúas semanas procedía da chuvia de estrelas das delta-leónidas

Gciencia celebra o Día da Lingua Materna cun relatorio sobre a divulgación en galego

A xornalista Laura Filloy abordou a importancia de trasladar o coñecemento científico á sociedade nun acto celebrado no Campus de Lugo da USC

Novos achados revelan o carácter funerario da ‘roda’ de Adai, un xacemento único en Galicia

A descuberta dunha ola que se conserva completa e de pé sobre unha lousa suxiren que servía para actos rituais fundacional

Atopado o talón de Aquiles da rata toupa, a praga que azouta a montaña luguesa

O estudo do órgano vomeronasal deste mamífero subterráneo avala o uso de químicos para diminuír a súa poboación e frear o seu impacto na agricultura