Os ‘Encontros de Xoves de Lúa Chea’, un programa de debate sobre cuestións de actualidade organizado polo colectivo universitario Proxéctate en galego celebra este xoves 31 de marzo un novo coloquio e debate na cafetería da Escola Politécnica Superior do Campus de Lugo, onde se abordará a cuestión do cambio climático.
O profesor de Ecoloxía da USC na Escola Politécnica Superior do campus de Lugo Emilio Carral e a escritora, bióloga e vogal da Asociación para a Defensa Ecolóxica de Galicia (Adega), Adela Figueroa, serán os encargados de abrir este coloquio con cadansúa intervención introdutoria na que exporán os seus respectivos puntos de vista.
Esta nova sesión do ciclo ‘Encontros de xoves de lúa chea’ é de carácter aberto á participación de todo o público interesado.
