O alcalde de Marinaleda pecha en Pontevedra a Semana Galega de Filosofía

Cartel da Semana Galega de Filosofía.

A Semana Galega de Filosofía volve traer a Pontevedra un espazo para a reflexión, nesta edición baixo o lema ‘Filosofía e o común’. O alcalde da localidade sevillana de Marinaleda, Juan Manuel Sánchez Gordillo, destacado activista na loita contra o capitalismo e defensor dos xornaleiros fronte aos terratenientes, clausura estas xornadas centradas este ano na aposta polo común, o colectivo e o comunitario na sociedade actual.

Gordillo foi recibido no Concello polo alcalde Miguel Fernández Lores, cos que estivo a intercambiar impresións. O mediático político expoñerá esta noite, a partir das 20 horas, no Teatro Principal, o modelo social cooperativo que defende e que tenta aplicar na súa vila.

A penúltima xornada da Semana de Filosofía contou onte entre os relatores coa profesora da Universidade Complutense de Madrid, Laura Mijares, que achegou ao debate a cuestión da islamofobia nas sociedades actuais. “A islamofobia forma parte do contexto social, político e ideolóxico, vai máis aló do propio Islam e aféctanos a todos”, sinalou na súa intervención.

Outro dos relatores da xornada de onte foi Pablo Carpintero Arias, investigador de instrumentos musicais tradicionais galegos e lutier, que falou sobre a música como elemento identitario e a súa relación coa lingua e a paisaxe.

A literatura oral como tesouro comunitario a preservar e incrementar foi o tema do relatorio que pronunciou pola noite o profesor mozambiqueño Aurelio Fabião Ginja.

DEIXAR UNHA RESPOSTA

Please enter your comment!
POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.

Please enter your name here

Este sitio emprega Akismet para reducir o spam. Aprende como se procesan os datos dos teus comentarios.