Explicación: a uns 70 millóns de anos luz de distancia, esta excepcional galaxia espiral NGC 289 é máis grande cá nosa propia Vía Láctea. Case de fronte a nós, o seu núcleo brillante e o disco central cheo de cor ceden o paso aos destacados brazos espirais, tenues e azulados. Os amplos brazos espállanse ben uns 100 anos luz desde o centro galáctico. Na parte inferior dereita deste definido retrato telescópico da galaxia, o brazo espiral principal parece atoparse cunha galaxia elíptica compañeira, pequena e difusa, que está a interactuar coa enorme NGC 289. Por suposto, as estrelas con puntas están por diante da escena. Atópanse no interior da Vía Láctea cara a constelación meridional Escultor.
