O dermatólogo Nacho García Doval, que traballa no Complexo Hospitalario Universitario de Vigo (Chuvi), é o único español que participou na colaboración internacional Cochrane sobre a psoríase. Esta revisión, que resume todos os artigos de mellor calidade sobre unha doenza para facilitar a elección dos tratamentos máis axeitados, reuniu a expertos de Francia, Italia ou Reino Unido.
“Cada unha das revisións supón un enorme traballo de busca e selección da información e síntese dos resultados”, explica García Doval no seu blog. Neste caso, analizouse a información a través da técnica de metaanálise en rede, que “permite comparar múltiples tratamentos agrupando os datos de moitos estudos, ainda que non se fixeran estudos para comparar todos entre si”. No caso da psoriase, o dermatólogo galego e o resto de expertos analizaron datos de 109 investigacións e case 40.000 pacientes. A revisión, enfocada ás formas máis graves de psoríase, “será de gran utilidade para os dermatólogos”, explica Doval.
A revisión pode consultarse a través desta ligazón.
