A auga termal constitúe hoxe en día un recurso estratéxico para o desenvolvemento turístico e económico non só da provincia de Ourense senón tamén de Galicia. Segundo os datos do goberno autonómico, os establecementos balnearios teñen un volume de negocio duns 60 millóns de euros e xeran 1.400 empregos directos. Co obxectivo de contribuír desde o eido académico e investigador a dar pulo e soporte ao futuro deste sector, este mércores e xoves celébrase en Expourense o I Congreso Internacional da Auga e o I Simposio Internacional de Termalismo e Calidade de Vida. A cita, organizada no marco das actividades do Campus da Auga, o proxecto de especialización do campus de Ourense, reúne a 200 congresistas de once países co obxectivo de visibilizar o seu traballo no eido da auga, intercambiar coñecementos e abrir novas vías de colaboración.
Máis información no seguinte enlace:
