Luns 26 Febreiro 2024

O científico Juan Lema, distinguido pola Asociación Internacional da Auga

O profesor emérito da USC convértese no primeiro español en recibir unha distinción que se outorga cada dous anos

No marco do World Water Congress, que se está a celebrar en Copenhague, o profesor emérito da Universidade de Santiago de Compostela (USC), Juan Lema, foi nomeado Distinguished Fellow da International Water Association (IWA), un recoñecemento honorífico pola “súa extraordinaria contribución nos aspectos de investigación e liderado no sector global da auga”.

A candidatura foi presentada polos profesores Zhiguo Yuan e Jurg Keller da Universidade de Queensland (Australia); Mark van Loosdrecht da TU Delft (Holanda); Willy Verstraete da Universidade de Gante (Bélxica); e Piet Lens, do University College Galway (Irlanda). Juan Lema convértese, deste xeito, no primeiro español en recibir esta distinción, que se outorga cada dous anos e no segundo de toda a comunidade iberoamericana.

A IWA é a organización mundial máis prestixiosa e influínte no mundo da auga onde participan tanto empresas e institucións como centros de investigación. Está establecida en 140 países, cunha traxectoria de máis de 75 anos e conta con máis de 10.000 socios.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Gciencia celebra o Día da Lingua Materna cun relatorio sobre a divulgación en galego

A xornalista Laura Filloy abordou a importancia de trasladar o coñecemento científico á sociedade nun acto celebrado no Campus de Lugo da USC
00:05:02

Poñer a roupa ao clareo do Sol, funciona?

É unha técnica tradicional para branquear a roupa que seguimos empregando hoxe. A ciencia confirma a eficacia dos raios solares como o mellor desinfectante natural

A USC incorpora a Yolanda Prezado, referente en protonterapia

O equipo de investigación que lideraba en París desenvolveu unha técnica pioneira de radioterapia menos invasiva e máis eficaz
00:04:21

N de Nutrición: os galegos do medievo xa comían filloas e polbo (pero non á feira)

A dieta do pobo estaba restrinxida a papas, potaxes e sopas, coas castañas como principal fonte de hidratos de carbono máis alá do pan