Xoves 28 Marzo 2024

José Edelstein, premiado pola Gravity Research Foundation

O físico da USC participou nun traballo que identifica un mecanismo que explicaría a rápida expansión do Universo no período chamado inflación

A Gravity Research Foundation acaba de outorgar unha das súas mencións honoríficas ao investigador José Edelstein, do Instituto Galego de Física de Altas Enerxías (IGFAE) e profesor de física teórica da Universidade de Santiago (USC). É a segunda vez que a institución estadounidense recoñece o traballo deste físico, premiado en 2015 con outra mención honorífica. O palmarés histórico inclúe figuras como Stephen Hawking e Roger Penrose e varios premios Nobel como George Smoot, Gerard’t Hooft ou Frank Wilczek.

O ensaio galardoado, asinado por José Edelstein xunto a Gustavo Arciniega, Pablo Bueno, Pablo Cano, Robie Hennigar e Luisa Jaime, presenta un traballo no que se identifica un mecanismo que explicaría a rápida expansión do Universo no período denominado inflación, onde este expandiuse cencuatrillóns de veces en menos dunha quintillonésima de segundo, pouco despois do Big Bang.

Publicidade

Os autores propoñen que este crecemento acelerado podería deberse á propia natureza xeométrica da gravitación e non a un axente externo denominado inflatón, como prescribe a explicación máis aceptada. O mecanismo de inflación xeométrica que se promove no ensaio titulado “Cosmic inflation without inflaton” mostra que, baixo a hipótese de que a gravitación e a mecánica cuántica foron compatibles naqueles instantes, a expansión exponencial do Universo temperán sería inevitable.

A Gravity Research Foundation foi fundada por Roger W. Babson en 1949 co obxectivo de estimular a investigación sobre a gravidade, as súas aplicacións e efectos, creando un concurso anual de ensaios científicos. Nesta última edición, o primeiro premio recaeu nun traballo de Alessio Belenchia, Robert M. Wald, Flaminia Giacomini, Esteban Castro-Ruiz, Caslav Brukner e Markus Aspelmeyer.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

As plantas non nativas aceleran a desaparición dos ameneiros galegos

As árbores centroeuropeas que se importan para restaurar as plantacións afectadas por unha doenza fúnxica producen uniformidade xenética

Un novo método da USC axudará a combater o furtivismo marisqueiro en Galicia

Tres investigadores estiman que entre 2012 e 2020 máis de 1.700 persoas extraeron de forma ilegal 660 toneladas de marisco

Investigadoras galegas constatan que as mulleres autistas camuflan máis os seus síntomas

O enmascaramento provoca retrasos no diagnóstico e problemas de saúde mental derivados da presión social

Un equipo galego sinala os lípidos en sangue como biomarcadores de covid persistente

Investigadores do CiQUS ofrece unha nova perspectiva sobre a natureza desta enfermidade e abre a porta a diagnósticos e tratamentos máis específicos