O profesor do Departamento de Zooloxía, Xenética e Antropoloxía Física da USC José Carlos Otero González presenta este martes 6 o seu libro La vida secreta de los insectos. O acto será ás 18.00 horas no Salón de Graos da Facultade de Bioloxía en el estará acompañado polo decano da Facultade de Bioloxía, Antonio Segura, e polo director da Estación de Hidrobioloxía Encoro do Con da USC e prologuista do volumen, Fernando Cobo.
Os dous grupos de organismos máis poderosos do planeta son os seres humanos e os artrópodos; os segundos cunha antigüidade sobre o Planeta de 450 millóns de anos antes ca nós. Para o autor, o importante é coñecer a importancia relativa que xoga cada grupo na biosfera. Na actualidade, os insectos convertéronse nos “señores do mundo”, motor de todos os ecosistemas de plantas con flores, que nos subministran o 90% da nosa alimentación.
Este grupo de animais presenta unha alta diversidade de hábitos tróficos, puidendo ser fitófagos, saprófagos, descomponedores, depredadores ou parasitoides, o que lles fai ser os principais responsables da reciclaxe de máis do 20% da biomasa vexetal terrestre.
O libro mostra así a importancia dos insectos para a biodiversidade, esencial para a súa conservación e supervivencia.
José Carlos Otero González é doutor en Bioloxía pola Universidade de Santiago de Compostela. Desenvolve a súa actividade docente e investigadora no Departamento de Zooloxía da Facultade de Bioloxía, do que foi director e decano. Na actualidade é subdirector da Estación de Hidrobioloxía de Encoro do Con (Vilagarcía) da USC. Ten publicados varios libros e numerosos artigos científicos dalgunhas familias de coleópteros sobre taxonomía, sistemática, biodiversidade e zooxeografía das rexións paleárctica, afrotropical, oriental e neotropical.
