IdeaLugo, un premio á innovación e o emprendemento no Campus Terra

A terceira edición do Premio IdeaLugo á Innovación e o Emprendemento, un certame promovido polo Grupo El Progreso en colaboración coa USC e Abanca, a través do que se busca identificar, recoñecer e impulsar proxectos innovadores e emprendedores xurdidos arredor do Campus Terra da USC, mantén aberto o prazo de presentación de candidaturas ata o vindeiro día 2 de novembro de 2017.

As persoas interesadas en tomar parte nesta convocatoria, dotada con 5.000 euros en metálico para as tres propostas máis valoradas polo xurado, poden formalizar xa a súa inscrición en liña na web do certame, onde tamén poden consultar as bases, así como a información solicitada aos participantes e os prazos establecidos para a presentación de proxectos.

Publicidade

O apoio a emprendedores con proxectos propios, innovadores e sostibles que contribúan ao desenvolvemento social e económico da provincia de Lugo é unha das pretensións que busca o Premio IdeaLugo. Esta nova convocatoria busca asemade por de manifesto o cometido que cumpre a formación na creación de novas empresas e start-ups, ademais de impulsar e axudar a dinamizar o Campus Terra da USC e as titulacións universitarias que oferta.

O III Premio IdeaLugo á Innovación e Emprendemento, cuxas bases xa están accesibles en liña, está aberto á participación de estudantes e titulados/as da USC egresados/as do campus de Lugo nos últimos anos que teñan un proxecto de emprendemento en fase embrionaria ou de aceleración. As persoas participantes poderán presentar o número de proxectos que desexen, tanto de forma individual como en grupo.

Publicidade

DEIXAR UNHA RESPOSTA

Please enter your comment!
Please enter your name here

Este sitio usa Akismet para reducir o spam. Aprende como se procesan os datos dos teus comentarios.

Relacionadas

A nova edición dos premios Zendal consolídase cun 11% máis de canditaturas procedentes de 14 países

As propostas, un total de 189, son de universidades, centros de investigación e hospitais de referencia internacional

Documentadas novas anomalías de coloración en peixes mariños de Galicia e Andalucía

A investigación describe tres exemplares con alteracións pigmentarias e outros tres casos posibles observados na ría de Vigo

Nin o frigorífico do supermercado está a salvo de ciberataques

Entre as posibles causas están a pobre xestión dos accesos a sistemas ou do 'firmware'. Por Marta Beltrán

Dentro do ‘Odón de Buen’, o buque ‘vigués’ que navega cara á nova campaña científica na Antártida

O oceanográfico construído en Galicia participará por primeira vez nas operacións de apertura das bases españolas do polo sur