Únete á nosa canle de Whatsapp
As miles de persoas que transitan diariamente por unha das prazas máis concorridas e famosas do mundo, a de Times Square en Nova York, puideron ver durante varios días de decembro unha maxestosa imaxe da Torre de Hércules da Coruña. A foto proxectada formaba parte dunha campaña publicitaria da Clínica Pardiñas, un consultorio dental galego localizado precisamente na cidade herculina. “Desde o outro lado do Atlántico, establecida en 1986 na Coruña… Dende Galicia para o mundo”, foi unha das mensaxes que integraban o anuncio.
“Que a nosa profesión e a importancia de ter unha boa saúde bucodental se proxecten en plena Times Square e nun dos espazos publicitarios máis solicitados e relevantes do mundo é un gran fito e unha constatación de que unha das misións da clínica, que é achegar a odontoloxía ao público xeral, está a cumprirse”, apunta o director da clínica, Simón Pardiñas. O experto tamén resaltou o valor das raíces galegas do proxecto: “Ademais, é un orgullo poder representar a Galicia por todo o mundo”.
Pardiñas tamén quixo salientar que a súa canle Dentalk é a máis grande do mundo en Youtube dedicaba a cuestións odontolóxicas. De feito, conta con preto dun millóns de subscritores e chegou a 300 millóns de usuarios de todo o mundo. Ten, ademais, máis de 1.000 vídeos divulgativos dispoñibles e animacións dentais en 3D que se poden ver en 15 idiomas diferentes. Amais disto, a canle recibiu o galardón “Insignia de prata Youtube” en 2019 como recoñecemento á calidade de contidos e popularidade de Dentalk e, segundo avanza Pardiñas, nas próximas semanas recibirán a Insignia de Ouro.
Pero a honra sería para New York non? Por que é o faro romano más antigo en servizo. Non teñen alí un monumento histórico de tal magnitude por favor!