Despois de varios días de chuvia e fortes refachos de tempo, a predición meteorolóxica en terra para Galicia apunta a que se abrirán claros cara ao final da semana. Porén, a principal novidade estará no litoral, cunha previsión que, de confirmarse, suporá o primeiro aviso de nivel vermello do outono. Así o avanza MeteoGalicia, que prevé ondas de máis de oito metros no litoral da provincia da Coruña a partir do mediodía do mércores. No resto da costa, en nivel de aviso laranxa, as ondas superarán os seis metros.
A razón está na transición cara a unha profunda borrasca do furacán Epsilon, formado no Atlántico occidental e que leva días desprazándose cara ao leste. Aínda que o núcleo estará situado máis ao norte, golpeando sobre todo a costa de Irlanda, a súa influencia desencadeará ondas importantes que chegarán á costa galega.
https://twitter.com/MeteoGalicia/status/1320674634057089025
A Axencia Estatal de Meteoroloxía mantén por agora para o mércores o aviso de nivel laranxa, con ondas de ata sete metros de altura, pero é posible que se incremente nas vindeiras horas en función dos modelos. Do mesmo xeito, tamén cabe a posibilidade de que MeteoGalicia rebaixe a predición inicial.
26/10 11:36 #AEMET adelanta #FMA costeros en Galicia. Activos PASADO MAÑANA. Nivel máx naranja. Imagen del mapa de avisos en vigor a las 11:36 Para ver una tabla de avisos actualizada haga CLIC EN LA IMAGEN o visite https://t.co/JiRymofOY1 https://t.co/QReeLUhIbh
— AEMET_Galicia (@AEMET_Galicia) October 26, 2020
