Furacán Ophelia en Galicia: preguntas e respostas

A medida que se acerca o domingo, día do máximo achegamento do furacán Ophelia a Galicia, redúcese a incerteza sobre a súa traxectoria e a forza que trae consigo, xa que a predición pode ser cada vez máis exacta. Non en tanto, a lóxica inquedanza que xera a palabra ‘furacán’ obriga a analizar polo miúdo todo o que rodea a Ophelia. Para saber máis, falamos con Carlos Fernández Balseiro, de 4gotas.com, que está seguindo moi de preto a evolución do fenómeno.

– Onde está agora Ophelia?

Na madrugada do xoves ao venres, Ophelia converteuse nun furacán de categoría 2, e sigue estacionario, movéndose pouco, ao sueste das illas Azores. Está a deixar “ventos sostidos duns 165 km/h e unha presión mínima no seu centro de 970 mb”, explica Carlos Fernández.

Publicidade

– Pero vai afectar moito a Galicia?

Apenas notaremos as consecuencias de Ofelia”, subliña Fernández Balseiro. “É un sistema moi pequeniño e pasará o suficientemente afastado da costa como para enterarnos do seu paso”. Iso si, algo de inestabilidade haberá. Os refachos poderán chegar aos 110 km/h na Costa da Morte, puntos altos do litoral oeste e as montañas máis altas de Galicia. “É dicir, un temporal de vento, pero nada que non sufriramos centos de veces no outono e inverno”, conclúe o meteorólogo de 4gotas. Sobre a chuvia, haberá algo de precipitacións na madrugada do domingo e na mañá do luns, “pero pouca cousa”.

Iso si, en alta mar, a situación vai ser complicada. A medida que avance cara o noreste, segundo informa a Aemet, os ventos poderían alcanzar os 140 km/h na zona marítima de Charcot e no oeste da zona de Finisterre, con mar montañosa e precipitacións moi intensas.

– É ‘normal’ un furacán nestas latitudes?

“É un movemento moi pouco habitual“, di Fernández. “Formouse no corredor onde se forman todos os furacáns, pero a presenza anticiclónica sobre Centroeuropa, no canto de estar sobre os Azores, propiciou a falta de ventos alisios que o transportasen cara ao Caribe e por contra facilitan que comece a desprazarse impulsada polos ventos do sudoeste cara a Galicia”. É dicir, é unha consecuencia da atípica e longa situación anticiclónica sobre Galicia, coa posición do anticiclón entre o Cantábrico e Centroeuropa.

– E despois, que pasará?

O sistema de Ophelia empurrará ao anticiclón cara o leste de Europa, e así poderíase propiciar a entrada de máis borrascas atlánticas en Galicia. Non en tanto, “nos últimos prognósticos que estamos analizando – di Fernández – o anticiclón das Azores volvería coller forza, ascendería un chisco e volvería a asentarse ao noroeste de Galicia”. Así, só nos chegaría a chuvia que traerá consigo Ophelia, e “despois parece que teremos varios días sen chuvia, aínda que é moi posible que na derradeira semana do mes teñamos varios episodios de chuvias”, conclúe Balseiro.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Unha forte borrasca procedente de Groenlandia regará Galicia a partir do xoves

Unha masa de aire frío procedente do Atlántico norte provocará que as máximas caian por debaixo dos 20 graos en todo o territorio

Unha masa de aire subtropical elevará os termómetros en Galicia ata os 21 graos. Canto vai durar?

A partir do xoves agárdase a entrada de novas borrascas atlánticas que deixarán precipitacións no oeste da comunidade

Unha profunda borrasca atlántica azouta Galicia esta fin de semana con chuvia, vento e neve

O centro de baixas presións situado sobre Irlanda enviará unha fronte fría na madrugada do sábado

A borrasca deixa en Galicia ventos de 147 km/h e temperaturas xélidas

A fronte provocou máis de 240 incidencias nas últimas horas e 14 municipios están en alerta porque nove ríos poderían desbordar