Únete á nosa canle de Whatsapp
O programa de debate sobre cuestións de actualidade, Encontros de Xoves de Lúa Chea, organizado polo colectivo universitario Proxéctate en Galego, celebra o xoves 20 de abril, a partir das 20:00 horas, un novo coloquio na cafetería da Escola Politécnica Superior (EPS) do Campus Terra da USC. A entrada é libre e de balde para todo o público.
Baixo o título “A mobilidade na cidade”, o profesor da EPS, Francisco Javier López González, fará unha introducción sobre o tema do coloquio, no que intervirán como relatores os enxeñeiros e docentes Alberte Castro Ponte e Pablo Fuentes Faílde.
A organización e regulación dos desprazamentos das persoas que a diario se moven pola cidade e os intereses e propostas destes colectivos, serán algúns dos asuntos sobre os que tratará esta nova edición.
