A Consellería de Educación investirá 1,7 millóns de euros no 2016 no remate das obras de acondicionamento do CITEEC e para a súa ampliación, co fin de que este espazo acade os seus maiores niveis de desenvolvemento. O conselleiro de Cultura, Educación e Ordenación Universitaria, Román Rodríguez, que visitou este centro, dependente da Universidade da Coruña (UDC), anuncióu que esta nova partida súmase aos 900.000 euros que se destinaron o pasado ano.
O Centro de Innovación Tecnolóxica en Edificación e Enxeñería Civil(CITEEC), creouse no ano 2000 co obxectivo de mellorar a investigación e o estudo no eido da construción, na súa vertente de edificación e de enxeñaría civil. Na actualidade o centro divide a súa actividade en 5 áreas, nomeadamente as de Construción, Hidráulica, Portos e Costas, Enxeñería Sanitaria e Estudo Aeroelástico de Pontes.
A achega de máis de 1,7 millóns ao CITEEC destinarase fundamentalmente a 3 actuacións: a mellora da cuberta do centro, acondicionamento de laboratorios e colocación dunha plataforma hidráulica que permita optimizar o acceso aos laboratorios de Construción, Portos e Costas, Mecánica de Rochas, e Ferrocarrís e Transportes.
