Desde este martes e ata o venres 23, o hotel Meliá María Pita da Coruña acolle a celebración da sétima edición de Iwinac, un congreso sobre intelixencia artificial e computación. A reunión está organizada pola Uned e a Universidad Politécnica de Cartagena, e conta coa colaboración da Universidade da Coruña e o centro asociado da Uned da Coruña.
Iwinac conta entre os seus convidados de honra cos científicos Rodolfo Llinás (New York University), Hojjat Adeli (Ohio University) e Changjiu Ziou (Politécnica de Singapur). No comité organizador local está varios investigadores do Grupo Integrado de Enxeñaría do Campus de Ferrol, que coordina o profesor Richard Duro.
Publicidade
