Con motivo do Día Mundial dos Océanos, celebrado cada 8 de xuño, charlamos con Francisco Ramil e Marta Gil, integrantes do grupo EcoAfrik. O seu labor céntrase especialmente na exploración dos ecosistemas bentónicos africanos, nos que aínda quedan moitas especies por descubrir, mais tamén en lograr manter o equilibrio entre a protección destes e a súa explotación polo sector pesqueiro.
Precisamente, un dos problemas que sinalan nesta conversa é que a pesca tradicional que sustenta ás poboacións locais está sendo ameazada polos barcos industriais de grandes empresas estranxeiras, prexudicando dobremente á economía local e á conservación dos ecosistemas.
Ciencia de Ida e Volta é un podcast en colaboración coa Unidade de Cultura Científica da UVigo (UCC+I) que conta co apoio da da Fundación Española para la Ciencia y la Tecnología, do Ministerio de Ciencia e Innovación.
