O físico e divulgador Dosi Veiga comezará este venres en Santiago a súa xira galega de charlas sobre as mellores imaxes de astronomía publicadas pola NASA no pasado ano. A primeira das citas será na Nave de Vidán de Compostela a partir das 21 horas deste venres 2. A actividade está organizada polo Clube Compostelán Vega de Astronomía, e conta tamén co apoio de Divulgacción, a Asociación Galega de Comunicadores Científicos. Ao remate da charla haberá tamén unha observación astronómica ao aire libre. Sempre e cando, claro está, as condicións climatolóxicas sexan as adecuadas e as nubes o permitan.
Veiga publica desde hai anos en galego o APOD (Astronomy Picture of the Day) e é o impulsor da iniciativa de divulgación astronómica Ceos Galegos.
Publicidade
