Únete á nosa canle de Whatsapp
O bar Riquela de Santiago (rúa do Preguntoiro, 35) acolle o vindeiro mércores 19 de febreiro unha nova edición das NerdNites, sesións nocturnas de divulgacións impartidas por científicos expertos en diversas materias. Nesta ocasión, a actividade centrarase na ciencia de materiais, e conta coa colaboración da Agrupación Estratéxica de Materiais (Aemat) da USC.
A partir das 21 horas, falarán María Teresa Flores Arias, profesora de óptica da USC, coa charla Xogando coa luz, Manuel A. González Gómez, doutorando en nanomedicina do grupo Nanomag da USC, con A ciencia detrás do poder de Magneto´. Pecharán a sesión Arturo López Quintela (catedrático de química física da USC) e David Buceta, (investigador posdoutoral no laboratorio Nanomag) con A táboa periódica en 3D.
