No cartel das NerdNites hai unha referencia ao cartel da película 'Regreso ao Futuro'
No cartel das NerdNites hai unha referencia ao cartel da película 'Regreso ao Futuro'

O Antropoceno os residuos e Cova Eirós, nunha nova sesión das NerdNites

A Nave de Vidán de Santiago acollerá o próximo martes, a partir das 21:30 horas, a sesión de outubro destas noites de divulgación

A sesión das NerdNites correspondente ao mes de outubro terá lugar este martes 29, na Nave de Vidán, a partir das 21:30 horas. O Antropoceno, un vaso prehistórico atopado na Cova de Eirós e a posibilidade de vivir rodeados de residuos serán os temas centrais desta nova edición.

A catedrática do departamento de Ecoloxía, Evolución e Bioloxía Mariña da Universidade de California en Santa Bárbara, Débora Iglesias Rodríguez, falará de mares quentes, océanos ácidos e outras historias mariñas do Antropoceno. Xunto a ela, Ramón Fábregas Valcarce, catedrático de prehistoria da USC, desenvolverá o relatorio ‘Casando fóra da parroquia? O caso do vaso prehistórico da Cova Eirós’. Ángeles Pereira Sánchez, profesora do departamento de Economía Aplicada da USC, responderá, pola súa parte, á cuestión ‘TerraVerde Servicizing & Recyling, S.A. Viviremos rodeados de residuos?’.

As NerdNites naceron hai anos en Estados Unidos, unha proposta orixinal á que se sumou Santiago de Compostela en 2012, sendo a primeira cidade española en facelo. Esta iniciativa artéllase en base a pequenas charlas científicas onde especialistas dialogan co público das disciplinas que lles apaixonan fóra do ámbito académico, nun ton distendido e en horario nocturno.

DEIXAR UNHA RESPOSTA

Please enter your comment!
POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.

Please enter your name here

Este sitio emprega Akismet para reducir o spam. Aprende como se procesan os datos dos teus comentarios.