O colectivo Escépticos no Pub celebra este venres, ás 21 horas, unha nova sesión da súas charlas divulgativas. Nesta ocasión estará no café Airas Nunes de Compostela o xornalista e divulgador científico Antonio Martínez Ron, cofundador do portal Naukas, autor do blog Fogonazos e redactor xefe de ciencia no portal VozPopuli. Tamén acaba de publicar un novo libro, El ojo desnudo.
A súa conferencia leva por título “Ver para non crer”. Nela, segundo informan desde EEEP, “fará un percorrido pola historia da visión e o coñecemento para demostrar que o escepticismo ben entendido comeza polos nosos propios ollos”, afondando “nos rumbos perceptivos inducidos polo propio sistema visual e na forma en que os propios científicos foron vítimas destes enganos durante séculos”.
