A multitudinaria festa de San Teleco arranca cunha edición máis cultural e deportiva
Actividades culturais, deportivas, de xogos, de música… a edición 2015 de San Teleco vólvese máis deportiva e cultural ca en ningunha outra edición. “Empezamos a semana pasada cos torneos de fútbol sala e baloncesto, continúan hoxe e mañá coa campaña de doazón de sangue que organizamos en colaboración co Centro de Transfusión de Galicia, logo virán os concertos e a comida do xoves, a próxima semana torneos de videoxogos e remataremos o mes co San Teleco XL”, explica Diego Rodríguez Varela, coordinador xeral do comité de organización da festa, un equipo do que forman parte unha vintena de alumnos e alumnas de todos os cursos, incluídos mestrados.
Máis información no seguinte enlace:
